Қазақстан Республикасының Президенті Н.Ә.Назарбаевтың Қазақстан халқына жолдауын Абай атындағы ҚазҰПУ-дің профессор- оқытушылар құрамы мен Алматы қалалық филиалының «Нұр Отан» партиясымен талқылау

2018 жылдың 16 қаңтар күні Абай атындағы ҚазҰПУ-дың «Мәңгілік Ел» дәрісханасында Қазақстан Республикасының Президенті Н.Ә.Назарбаевтың Қазақстан халқына Жолдауын талқылау мақсатында «Нұр Отан» партиясы Алматы қалалық филиалының желілік кестесіне сәйкес «Төртінші өнеркәсіптік революция жағдайындағы дамудың жаңа мүмкіндіктері тақырыбында Демократиялық күштер коалициясының кеңейтілген жиыны өтті.

Жаңа бағдарламалық құжат қазіргі шынайылық жағдайында қазақстандықтардың тұрмыс деңгейін, елдің қоғамдық даму деңгейін көтеруге Елбасшымыздың саясатының логикалық жалғауы болады деп жиында айтылды.

Жиынға барлық партия мүшелері мен Абай атындағы ҚазҰПУ-дың профессор-оқытушылары қатысты. Сондай-ақ Филология және көптілді білім беру институтының практикалық тілдер кафедрасының профессор-оқытушылары, соның ішінде доктор PhD Аида Нурбаева мен оқытушы Сәуле Шолтай қатысып, өз ойларымен бөлісті.