қазақша · русский · english
 
 
  Негізгі бет / Жаңалықтар
22.02.2018

«Өзін-өзі тану: Сүйіспеншілік пен шығармашылық педагогикасы» декадасы

 

№1 Балалар үйінде 5В012300 - «Әлеуметтік педагогика және өзін-өзі тану» мамандығы бойынша 3 курс студенттерінің педагогикалық практикасы барысында «Өзін-өзі тану рухани-адамгершілік» білім беру бағдарламасын жүзеге асыру бойынша оқу-тәрбиелік (сабақтан тыс) әлеуметтік-педагогикалық жұмыстар өткізілді.

 

2018 жылдың 2-19 ақпан аралығында Сара Алпысқызының туған күніне орай «Өзін-өзі тану: Сүйіспеншілік пен шығармашылық педагогикасы» декада өтті.

 

Декаданың мақсаты құндылықты бағдарлар арқылы балалар мен жеткіншектердің рухани-адамгершілік білімін қалыптастыру, шығармашылық әлеуетін, өзін-өзі тануға ұмтылысын дамыту. Мерекелік бағдарламаның мазмұнына жалпыадамзаттық құндылықтар ықпалдастырылды. Жалпы адамзаттық құндылықтар - бұл адамның ең негізгі бір бөлшегі, олар - адамның өмір сүруінің мәні. Осы құндылықтардан адамның өзіне және бүкіл әлемге деген қарым -қатынасы шығады.

 

«Өзін-өзі тану: Сүйіспеншілік пен шығармашылық педагогикасы» тақырыбындағы декада аясында: «Сүйіспеншілік және мейірімділік мерекелік Шеңбері», «Алтын жүрек» тәрбие сағаттары, «Әрқашан жан дүниемізде күн сөнбесін» жүрек сабақтары, «Сен - Мейірімді періштесің» қайырымдылық акциясы, «Мейірімді фильм», «Шын жүректен» Бенефис, «Құндылықтар - сау денеде гүлденеді» спорттық-сауықтыру конкурстары бойынша шаралар ұйымдастырылды.

 

Студенттер өткізілген конкурс пен сабақтар қорытындысы бойынша «Әлемге ризашылықпен күлімде» тақырыбында шығармашылық сурет-көрмесін безендірді.

 

Декаданың соңында балалар үйінің тәрбиеленушілері декаданың өту барысы туралы өздерінің әсерлерімен бөлісті, «Өзін-өзі тану» шыныменде адамға өзін табуға, өздерінің ең үздік қабілеттерін ашуға, өз жетістерінде сенімді болуға көмектесетін пән деген қорытынды жасап, керемет жүрек сабақтары үшін студенттерге алғыстарын жеткізді.

 

       

 

       

 

       

 

       

 

       

 

 «Мейірім» қайырымдылық клубы



781

Кері оралу

 
 
 
 
Besucherzahler
 
Besucherzahler