қазақша · русский · english
   
  Негізгі бет / Жаңалықтар
01.09.2016

 

Білім мерекесі

        1 қыркүйек – Білім күні. Бүгін еліміздің барлық түпкірінде үлкен мереке -бүлдіршіндер мектеп табалдырығын аттап, жаңа өмірге қадам басып жатса, мектеп бітірген жастар студент атанып, өмірдің жаңа белестерін, «ғылым» атты әлемнің есігін ашып отыр. Осындай айтулы мереке қазақ білімінің қара шаңырағы Абай атындағы Қазақ ұлттық педагогикалық университетінде салтанатты түрде атап өтілді.

 

Мерекелік жиынға Абай атындағы Қазақ ұлттық университетінің профессорлары мен оқытушылары, университет табалдырығын жаңа аттаған студент-жастар мен ата-аналар қатысты. Салтанатты жиынды университет ректоры, профессор, ҚР ҰҒА академигі Серік Жайлауұлы Пірәлиев ашты.

        Ректор  оқу орнының профессор-оқытушылары мен студентерін, магистранттары мендокторанттарын білім күнімен құтықтай келіп, Абай атындағы ҚазҰПУ-дың әлемдік білім кеңістігіне ену,халықаралық инновациялық технологияларды игере отырып, білім беру сапасын арттыру жөніндегі игі істері туралы айтты. Сонымен қатар бүкіл ел болып атап өткелі отырған ҚР Тәуелсіздігінің 25 жылдығы, Алматы қаласының 1000 жылдығы ел тарихының қадау-қадау кезеңдері болып табылатынына тоқталды.

 

Серік Жайлауұлы университеттің Тәуелсіздік жылдарында қол жеткізген табыстарына, жаңа ізденістеріне тоқталып өтті. ел болашағын өркендету мақсатында жасаған «5 институтционалдық реформа және 100 нақты қадам» Ұлттық жоспарына да кеңінен тоқталды. Ректор бұдан кейінгі сөзін жоғары оқу орнына енді түскен 1- курс студенттеріне арнап, жас жеткіншіктерге табыс тіледі.

         Салтанатты жиында  университеттің Өнер, мәдениет және спорт институтының директоры Берікжан Айтқұлұлы Әлмұхамбетов, Жаратылыстану және география институтының директоры Күләш Дүйсенбайқызы Қаймулдинова студент жастарды жаңа оқу жылымен құттықтады.

        Университет ректоры, профессор С. Ж. Пірәлиев оқуға жаңа түскен талапкерлерге «Студенттік билет» пен «Білім кілтінің» символикасын салтанатты түрде тапсырды.

Мерекелік кеш одан әрі Қазақстан эстрада жұлдыздары мен университетіміздің талантты жастары ұйымдастырған концерттік бағдарламаға ұласты.

 

                                                                              Абай атындағы ҚазҰПУ Баспасөз орталығы



975

Кері оралу

 
 
 
 
Besucherzahler
 
Besucherzahler