Абай атындағы ҚазҰПУ-да академиялық адалдықты нығайтуға арналған жиналыс өтті

Абай атындағы ҚазҰПУ-да «Sanaly Urpaq» республикалық жобалық кеңсесінің басшысы Қ.А. Токушевтің және университет әкімшілігі өкілдерінің қатысуымен кездесу өтті. Академиялық адалдық принциптерін орнату және «Sanaly Urpaq» жобалық кеңсесінің ұсыныстарын жүзеге асыру мәселелері талқыланды. Кездесу бірінші проректор Мақтағали Бектемесовтың басқаруымен өткізілді. Іс-шараға оқу орнының проректорлары, институт директорлары мен кафедра меңгерушілері қатысты.

Кездесу нәтижесінде «Sanaly Urpaq» жобалық кеңсесінің ұсынысы бойынша «Парасат» адалдық орталығын құру, университетіміздің қызметінде академиялық адалдық қағидаттарын орнату үшін және Абай атындағы ҚазҰПУ-дың барлық институттарында «Sanaly Urpaq» студенттік клубының ұяшықтарын ашу туралы шешім қабылданды.