Жаратылыстану және география факультетінің шетелдік студенттері «Д.Қонаев музей-үйінде»

2025 жылдың 15 қаңтарында «Хәкім Абай» Ұлттық тәрбие орталығы мен Оразалы Досбосынов атындағы жас ақындар мектебінің ұйымдастыруымен «Алматы музейлеріне саяхат» тәлімгерлік жобасы аясында Жаратылыстану және география факультетінің шетелдік студенттері Кеңестік мемлекет және қоғам қайраткері Дінмұхамед Қонаев атындағы «Д.Қонаев музей-үйін» тамашалауға барды.

Іс-шараның мақсаты - шетелдік студенттерге әсем қаламыз Алматының тарихын таныстыру, білім алушылардың мәдени әлеуетін күшейту, тұлғалық-азаматтық қасиеттерге тәрбиелеу мен рухани құндылықтарды және тарихи мұраны кеңінен насихаттау болып табылады.

Көрнекті мемлекет қайраткері Дінмұхаммед Ахметұлы Қонаевтың өмірі және қызметінің тарихи мұрасымен танысуға барған студенттер, музей залдарын аралап, Дінмұхаммед Ахметұлының балалық және студенттік жылдарын баяндайтын материалдар, сондай-ақ еңбек жолының басталуына байланысты құжаттармен танысты. Сондай-ақ, Дінмұхаммед Қонаевтың саясаткер, ғалым және ірі мемлекет қайраткері ретінде баяндайтын экспонаттарды тамашалап, оның мемлекетті дамытып-өркендетудегі рөлі мен еңбегімен етене танысуға бірегей мүмкіндік алды.

«Хәкім Абай» Ұлттық тәрбие орталығы