қазақша · русский · english
   
  Негізгі бет / БАҚ біз туралы
17.04.2019

Ректорды марапаттады

 


 

Абай атындағы Қазақ ұлттық педагогикалық университетінде ректор Такир Балықбаев «Махмұд Қашқари» қоры төрағасының орынбасары Агаджафар Гасаналимен және Қазақстандағы Әзірбайжан елшілігінің өкілі Рамиль Рзаевпен кездесті. Кездесуге сондай-ақ Қазақстан күрдтері қауымдастығының төрағасы, Абай атындағы ҚазҰПУ-дың Шығыс филологиясы және аударма кафедрасының меңгерушісі Князь Мирзоев қатысты.

 

Кездесу барысында Агаджафар Гасанали «Махмұд Қашқари» қоры­­ның қызметі туралы әңгіме­ле­ді. Оның айтуынша, қор 14 жыл бұрын Әзірбайжан астанасында, түркі әлемінің танымал тұлғалары­ның бастамасымен Баку қаласында құрылды. Қордың негізгі мақсаты - түркі халықтарының тарихы мен мәдениетін біріктіру, тарихи-мәде­ни байланыстар призмасы арқылы мемлекеттер арасындағы ынты­мақтастықты дамыту. Сон­дай-ақ ол педагогикалық, гума­нитарлық және жаратылыс­тану ғылым­дарын дамытуда, Қазақ­стан­дағы білім беру саласының дамуына қосқан орасан зор үлесі мен Қазақстанның тұңғыш уни­вер­ситетінің ғылыми және педа­го­гикалық кадрларды даярлаудағы, оқу орнын халықаралық тәжіри­беге сәйкестендіруде табысты көшбасшылығы үшін Абай атын­дағы ҚазҰПУ ректоры Такир Балық­баевқа «Махмұд Қашқари­дың 1 000 жылдығы» медалін табыс етті.

 

Махмұд Қашқаридың медалі­мен түркі әлеміндегі танымал ғалымдар, жазушылар, жетекші білім беру мекемелерінің басшы­лары, қоғамдық және саяси қай­рат­керлері - Түркияның экс-прези­денті Сүлеймен Демирел, қор­дың құрметті президенті, Әзір­бай­жан ғылым академиясы­ның вице-президенті Иса Габит Бейли және т.б. беделді тұлғалар марапат­талған. Қазақстандағы Әзірбайжан елшілігінің өкілі Рамиль Рзаев өз елінің атынан ҚазҰПУ ректорын құттықтап, еңбек жолында табыс тіледі. Ол сондай-ақ кездесудің білім және ғылым саласындағы екі мемлекеттің ортақ құндылықтарын нығайтудағы маңызын атап өтті.

 

 

Авторы: Римма Жанбаева

17.04.2019 ж.

Ақпарат көзі: aikyn.kz

 



410

Кері оралу

 
 
 
 
Besucherzahler
 
Besucherzahler