қазақша · русский · english
 
 
  Негізгі бет / Жаңалықтар
03.05.2018

«Цифрлық жаһандану кезеңіндегі жоғары оқу орны кітапханаларының даму тенденциялары» халықаралық ғылыми-практикалық семинары өтті

 

2018 жылдың 26-27 сәуірі аралығында Абай атындағы ҚазҰПУ-нің 90 жылдық мерейтойы аясында «Цифрлық жаһандану кезеңіндегі жоғары оқу орны кітапханаларының даму тенденциялары» тақырыбында жоғары білім беру кітапханалары басшылары мен қызметкерлеріне арналған халықаралық ғылыми-практикалық семинар өтті.

 

Семинарды ҚР БҒМ-нің Республикалық ғылыми-педагогикалық кітапханасы және  Абай атындағы ҚазҰПУ Ғылыми кітапханасы ұйымдастырды.

 

Семинардың пленарлық бөлімін университеттің оқу-әдістемелік жұмысы жөніндегі проректоры Ғабит Кенжебаев құттықтау сөзімен ашты. ҚР БҒМ-нің Республикалық ғылыми-педагогикалық кітапханасының директоры Айман Насырова қатысушыларды семинардың ашылуымен құттықтап, цифрлық әлемдегі кітапханалардың дамуы жайында баяндама оқыды. Сөз соңында Қазақстан республикасы жоғары оқу орны кітапханаларының үздік қызметкерлерін Білім және ғылым министрлігінің грамотасымен марапаттады, солардың ішінде біздің ғылыми кітапхана директоры Нүргүл Имансыдықова, кітапхананың эксперт менеджері Нәйля Сексенбаева марапатқа ие болды.

 

Пленарлық бөлімінде Мәскеу мемлекеттік мәдениет институты мәдениетті және электрондық кітапханаларды ақпараттандыру кафедрасының профессоры Вадим Степанов (Мәскеу қаласы), Қожа Ахмет Ясауи атындағы Қазақ-түрік университетінің профессоры Топлу Мехмет, К. Карасаев атындағы Бішкек гуманитарлық университеті ғылыми кітапханасының директоры Роза Турдукеева (Қырғыз Республикасы, Бішкек қаласы) баяндама жасады.

 

Екінші күні семинардың дискуссиялық мәжілістері өтті. ҚР жоғары оқу орны кітапханаларының басшылары белсене қатысып, тәжірибелерімен алмасты. Жалпы семинар бағдарламасына мәдениет, білім беру салаларының және Ресей, Қырғызстан, Түркия, Қытай және Қазақстан жоғары оқу орны кітапханалары басшыларының 50-ден астам баяндамалары кірді.

 

         

 

         alt= 

 

         

 

         alt= 

 

          



189

Кері оралу

 
 
 
 
 
Besucherzahler